عبادت آیی

بو اوروشلوق آیی چون ماه عبادتدی بیزه

ماه فضل و کرم و لطف و کرامتدی بیزه

باب رحمت آچیلوبدی اوزی مهمان ایستور

باقلانوبدی در دوزخ مرد ایمان ایستور

امتحان ایلیری بو آیدا بیزی رب جلیل

امتحانان چیخا هرکس اولا مانند خلیل

درگهنن هیچ اوزاخدو اوزو احسان ایلر

ذره ی سالسا نظر آتشی رضوان ایلر

آذري شعر

گونده منه باش ووران ، ایندی منه داش وورور

             ایندی منه داش ووران ، اوزگه لره باش وورور

اوزگه اگر داش وورور ، دردینه دوزمگ اولار

              باخ بورا سوز بوردادير ، داشلاري يولداش وورور

 

نوروز بایرامی و ایل بایرامی

 تامام انسانلارا خصوصا ترکی و آذری دانیشانلارا مبارک اولسون 

بايراموز مبارك اولسون

نئچه بایاتی بیر یولداشدان:

 

- باشيندا دومان وار

اوره يمده غميم وار

منه جانيم دئيه ن يار

ايندي سانير مني ياد

- شاليم قارا بوياندي

اوجو يئره داياندي

منيم آه وناله دن

چرخ فلك داياندي

- عزيزي يم بو يارا

گئدر قالماز بو يارا

دوستا ياد دئمه ك اولماز

دوست هارا دوشمن هارا

- گوزوم قالدی او قاشدا

او کیپریکده او قاشدا

مجنون تک دلی گویلوم

گزیری داغدا داشدا  

ارادتمندیم